Трамп Онтарио кўлини «Америка кўли» деб аташни буюрди (+видео)
АҚШ президенти Дональд Трамп Канада билан савдо муносабатлари кескинлашган бир пайтда Онтарио кўлини «Америка кўли» деб қайта номлаш ҳақида фармон имзолади, даб хабар берди Euronews
АҚШ президенти Дональд Трамп пайшанба куни АҚШ ҳудудидаги Онтарио кўлини «Америка кўли» деб қайта номлаш нияти борлигини маълум қилди. Бу Канада билан савдо уруши янада кучайган бир пайтга тўғри келди. Трамп кўл номини ўзгартириш ҳақидаги фармонни имзолаб, географик номлар учун масъул бўлган Америка идорасини бу ҳақда хабардор қилди. Бироқ АҚШ президенти Канадани кўлнинг янги номидан фойдаланишга мажбур қила олмайди. Чунки, Онтарио кўли Канадага ҳам тегишли. Кўлнинг майдон жиҳатидан 52 фоизи қисми Канадада, 48 фоиз қисми АҚШда жойлашган.
Шунингдек, Трамп журналистларга Канада савдо музокаралари олиб бориш учун энг қийин давлат эканини ҳам айтди.
Америка президенти бир неча кундан бери кўл номини ўзгартириш ҳақида очиқ гапираётган эди. Трамп ўтган йилдан бери қўшнисига нисбатан босимни кучайтириб келмоқда. У ҳатто АҚШ билан анъанавий равишда яқин муносабатларга эга бўлган иттифоқчи Канадани 51-штат сифатида Америка таркибига қўшилиши кераклигини ҳам таклиф қилган. АҚШ ва Канада умумий чегарага эга бўлиб, бу чегара кўлларнинг бир нечтаси, жумладан, Онтарио кўли орқали ҳам ўтади. Онтарио, шунингдек, АҚШнинг ўндан ортиқ штати учун асосий экспорт йўналишларидан бири ҳисобланади.
<iframe width="650" height="420" src="https://www.youtube.com/embed/bvE0PlteqmA" title="Tramp Ontario ko‘lini «Amerika ko‘li» deb atashni buyurdi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>К.Бекжонов, ЎзА
