Тожикистон Президенти Мустақиллик монументи пойига гулчамбар қўйди (+видео)
Тожикистон Республикаси Президенти Эмомали Раҳмон давлат ташрифи билан мамлакатимизда бўлиб турибди.
Олий мартабали меҳмон 26 март куни “Янги Ўзбекистон” боғига ташриф буюриб, Мустақиллик монументи пойига гулчамбар қўйди.
Илм-маърифати, муносиб амаллари билан миллатлараро муносабатларни юксак даражада қадрлаган аждодларимиз мероси ҳамиша дунё ҳамжамияти эътиборида.
“Янги Ўзбекистон” боғининг Мустақиллик монументида акс этган улуғлар тимсоли бугун барчамизга ифтихор бағишлайди. Мамлакатимиз ўтмиши ва келажагини акс эттиради.
Тожикистон Республикаси Президенти Эмомали Раҳмон Мустақиллик монументи пойига гулчамбар қўяр экан, Ватан озодлиги, эл фаровонлигининг ёрқин ифодаси сифатида мағрур қад ростлаган мажмуа қошида рамзий бош эгди.
[gallery-28352]
Дунё тамаддунига ҳамжиҳатлик билан ҳисса қўшишни тараннум этган боболаримиз маърифатини эътироф этиб, эҳтиром кўрсатди.
Маросимда Ўзбекистон Республикаси Бош вазири Абдулла Арипов ҳамда бошқа расмийлар иштирок этди.
<iframe width="320" height="576" src="https://www.youtube.com/embed/pvZi4Sbkn8g" title="Tojikiston Prezidenti Mustaqillik monumenti poyiga gulchambar qo`ydi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Марҳабо ҲОЖИАКБАРОВА,
Отабек МИРСОАТОВ (сурат, видео), ЎзА
