Техникумларга қабул жараёнлари давом этмоқда (+видео)
Хабарингиз бор, айни кунларда 9-синф битирувчилари учун 1 июлдан 20 июлгача 2026–2027-ўқув йили учун техникумларга онлайн ҳужжат топшириш жараёнлари давом этмоқда. Аризалар my.edu.uz платформаси орқали қабул қилинади.
9-синф битирувчилари учун 570 та техникумда 166 та касб-ҳунар тури бўйича ўқиш имконияти яратилган. Умумий қабул квотаси — 202 657 та ўрин. Аризалар 1-20 июль кунлари қабул қилинади. Жорий йилда 34 фоиз 9-синф битирувчиларини техникумларга жалб этиш режалаштирилган.
11-синф битирувчилари учун 641 та техникумда 276 та касб ва мутахассислик йўналишлари мавжуд. Умумий квота — 134 570 та ўрин, шундан 61 298 таси давлат гранти асосидаги ўринлардир. Аризалар 10 августдан 10 сентябргача қабул қилинади.
Шунингдек, 14 та Илғор касбий маҳорат техникумларида 27 та касб ва мутахассислик ўргатилади. Ушбу техникумларда умумий квота 1 760 та ўринни ташкил этади, шундан 1 640 таси — давлат гранти.
Ҳужжатлар my.edu.uz платформаси орқали онлайн тарзда топширилади. Техникумларда ўқиш муддати танланган касбга қараб 2-3 йилни ташкил этади. Техникумни тамомлаган битирувчилар кейинчалик ОТМларнинг 2-босқичига кириш имкониятига эга.
Шуни таъкидлаб ўтиш керакки, бу йилги қабул жараёнида 9-синф битирувчиларини техник ва касб-ҳунар таълимига йўналтиришга алоҳида эътибор қаратилган. Давлат дастурига кўра, 2030 йилгача 9-синф битирувчиларининг камида 50 фоизини техникумларга қамраб олиш режалаштирилган.
<iframe width="640" height="420" src="https://www.youtube.com/embed/a7oA6Ec9g6o" title="Texnikumlarga qabul jarayonlari davom etmoqda" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Муҳайё Турдалиева, Анвархўжа Аҳмедов (видео), ЎзА
