Термизда “Дўстлик” фестивали бўлиб ўтди

ФОТОРЕПОРТАЖ

Халқлар дўстлиги куни муносабати билан республика бўйлаб ўтказилаётган “Дўстлик” фестивали доирасида Термиз шаҳрида ҳам байрам тадбирлари юқори савияда ташкил этилди.

Фестивалнинг “Дўстлик оҳанглари” гала-концерт дастурида турли миллат ва элат вакиллари миллий куй-қўшиқлар, жўшқин рақслар ҳамда саҳна кўринишларини намойиш этди. Чиқишларда Янги Ўзбекистонда қарор топган миллатлараро тотувлик, ўзаро ҳурмат ва бағрикенглик муҳити ўз ифодасини топди.

[gallery-30569]

Тадбирда дўстлик, ҳамжиҳатлик ва бирдамлик ғоялари кенг тарғиб қилиниб, мамлакатимизда тинчликни асраш, турли миллат ва элат вакиллари ўртасидаги аҳилликни янада мустаҳкамлашнинг аҳамияти таъкидланди.

Жонибек ҚЎЗИМУРОДОВ(сурат),ЎзА