Теннисчиларимиз "Billie Jean King Cup" турнирда Лаос билан ўйнайди
Малайзия пойтахти Куала-Лумпур шаҳрида теннис бўйича "Billie Jean King Cup" мусобақасининг Осиё/Океания минтақаси II гуруҳ баҳслари давом этмоқда. Унда Ўзбекистон аёллар терма жамоаси “В” гуруҳида иштирок этмоқда.
Теннисчиларимиз мусобақанинг иккинчи турида Лаос терма жамоасига қарши кортга чиқади. Бугун,17 июнь куни бўлиб ўтадиган мазкур ўйиннинг яккалик баҳсларида дастлаб Нигина Алимова лаослик Алия Вонгдалага қарши кортга чиқса, кейинги учрашувда Севил Йўлдошева ва Делила Патуммакуронен тўқнашуви ташкил этилади.
Шунингдек, жуфтликлар баҳсида Нигина Алимова ва Севил Юлдошева тандеми Алия Вонгдала ҳамда Малайлак Делила Патуммакуроненга қарши кортга чиқади. Бироқ яккалик беллашувлари натижасига қараб, жуфтликлар таркибида ўзгариш юз бериши мумкин.
Эслатиб ўтамиз, "Billie Jean King Cup" мусобақасининг дастлабки турида терма жамоамиз Шри-Ланка термасига қарши ўйин ўтказиб, 2:1 ҳисобида зафар қучган эди.
Жавоҳир Тошхўжаев, ЎзА
