Спорт соҳаси мутахассисларига эҳтиром кўрсатилди
Ўзбекистон Республикаси мустақиллигининг 35 йиллиги муносабати билан мамлакатимизда жисмоний тарбия ва спортни ривожлантириш, соғлом турмуш тарзини тарғиб этиш, ёшларни спортга жалб қилиш ҳамда юртимиз байроғининг халқаро майдонларда юксалишига муносиб ҳисса қўшиб келаётган спорт соҳасининг бир гуруҳ мутахассислари “Ўзбекистон Республикаси мустақиллигининг 35 йиллиги” эсдалик нишони билан тақдирланди.
Мазкур юксак эътироф соҳа фидойиларининг кўп йиллик самарали меҳнати, мамлакатимиз спортини ривожлантириш йўлидаги ташаббуслари ҳамда ёш авлодни жисмоний баркамол этиб тарбиялашга қўшаётган муносиб ҳиссасининг юксак баҳоси бўлди.
Тантанали тадбирда сўз олганлар ушбу эътироф юртимиз спортининг халқаро майдондаги нуфузини юксалтириш, ёшларни спортга кенг жалб этиш ва Ўзбекистоннинг янги спорт тарихини муносиб натижалар билан бойитиш йўлида муҳим рағбат бўлиб хизмат қилишини таъкидлади.
Т.Рўзиев, ЎзА
