Слаломчиларимиз Осиё чемпионатида шоҳсупага кўтарилди
Хитойнинг Гуйчжоу провинциясида слаломда эшкак эшиш бўйича ўтаётган Осиё чемпионатида Ўзбекистон, Хитой, Қозоғистон, Япония, Жанубий Корея, Ҳиндистон ҳамда бошқа давлатларнинг энг кучли спортчилари иштирок этмоқда.
Мазкур мусобақада Ўзбекистон миллий терма жамоаси шарафини 6 нафар спортчи – Анвар Клевлеев, Шерзод Қурбоналиев, Ибрагим Носиржонов, Павел Эйгель, Жанибек Темирғалиев ва Самандар Сайдуллаев ҳимоя қилади. Қувонарлиси, чемпионатнинг К1 дастурида Жанибек Темирғалиев кумуш, Павел Эйгель эса бронза медалини қўлга киритди.
Жавоҳир Тошхўжаев,
ЎзА
