Сергей Фомин ширек финалға шықты
Қытайдың Вунин қаласында ерлер арасындағы «Challenger» сериясындағы халықаралық теннис турниріне өзбекстандық спортшы Сергей Фомин мен Хумоюн Султонов қатысып жатыр.
Жүлде қоры 63 мың АҚШ долларын құрайтын бұл додада Өзбекстанның бірінші ракеткасы Сергей Фомин екінші айналымда австралиялық Моэрани Бузигені 1:6, 7:6, 6:4 есебімен жеңді. Осылайша, ол ширек финалға жолдама алып, жартылай финалға шығу үшін Оңтүстік Корея өкілі Санхуй Шинмен күш сынасады.
Өкінішке қарай, Хумоюн Султонов екінші кезеңде қытайлық Фацзин Сунға қарсы өткен кездесуде 6:4, 6:2 есебімен жеңіліп, турнирмен қош айтысты.
