Сергей Фомин “Moldova Open”да ғолиб бўлмоқчи
Молдованинг Кишинёв шаҳрида теннис бўйича “ATP Challenger” туркумига кирувчи “Moldova Open” турнирида ҳамюртимиз Сергей Фомин яккалик баҳсларининг асосий тўрига йўл олди.
Аниқроқ айтадиган бўлсак, саралашнинг ҳал қилувчи беллашувида мамлакатимизнинг биринчи рақамли теннисчиси Сергей Фомин руминиялик Драго Казачуга қарши кортга чиқди ва 6:2, 6:3 ҳисобида ғалаба қозонди. Шу тариқа биринчи даврага чиққан Сергей бугун ҳиндистонлик Сумит Нагал билан рақобатлашади.
Маълумот учун, “Moldova Open” турнирининг мукофот жамғармаси 160 минг 680 еврони ташкил этади. Яккалик беллашувларида ғолиб бўлган теннисчи ташкилотчилар томонидан 23 минг 750 минг евро ҳамда 100 рейтинг очкоси билан тақдирланади.
Жавоҳир Тошхўжаев,
ЎзА
