Сергей Фомин чорак финалда ўйнайди
Теннис бўйича Ўзбекистон терма жамоасининг биринчи рақамли теннисчиси Сергей Фомин Қозоғистоннинг Чимкент шаҳрида ўтказилаётган “Challenger 50” туркумига кирувчи мусобақанинг жуфтликлар ўртасида чорак финалга чиқди.
Халқаро турнирнинг жуфтликлар ўртасида Сергей украиналик теннисчи Владислав Орлов билан тандемда италиялик Александр Бинда ва Святослав Гулин дуэти билан рақобатлашди ва 6:0, 6:3 ҳисобида таслим этиб, чорак финалга йўл олди. Энди Сергей ва Владислав ярим финал йўлланмаси учун ўтадиган беллашувларда нидерландиялик Йелле Селс ва бельгиялик Бувайсар Гадамаури жуфтлигига қарши рақобатлашади.
Эслатиб ўтамиз, Сергей Фомин “Shymkent 2” халқаро турнирининг яккалик баҳсларида айнан Йелле Селсни 6:3, 7:6 ҳисобида енгган эди. Бироқ теннисчимиз иккинчи даврада германиялик Макс Ханс Реберк тўсиғидан ўта олмади.
Жавоҳир Тошхўжаев,
ЎзА
