Самарқандлик волейболчи йигитлар - “Янги Ўзбекистон талабалари олимпиадаси” ғолиби

“Янги Ўзбекистон талабалари олимпиадаси”нинг ўғил болалар жамоалари ўртасидаги волейбол мусобақалари ҳар жиҳатдан юқори савияда ўтди.

Саралаш ўйинларида ғалабага бўлган кучли иродасини намойиш этган Самарқанд давлат педагогика институти жамоаси финалда Наманган давлат университети жамоаси билан рўбарў келди.

Кескин ва муросасиз кечган финал баҳсида самарқандликлар ишончли ўйин намойиш этиб, рақибларини 3:1 ҳисобида доғда қолдирди.

Шу тариқа, Самарқанд давлат педагогика институти волейболчилари “Янги Ўзбекистон талабалари олимпиадаси” ғолиблигини қўлга киритиб, чемпионликни тантана қилган бўлса, Наманган давлат университети жамоаси иккинчи ўринни эгаллади.

Мусобақанинг ўғил болалар ўртасидаги 3-ўрин учун кечган баҳсда Бухоро давлат университети ҳамда Фарғона давлат университети жамоалари тўқнаш келди. Ишончли ўйин намойиш этган бухоролик талаба-ёшлар ҳақли равишда бронза медалларига эгалик қилди.

Т.Рўзиев,

ЎзА