Путин 19-20 май кунлари Хитойга боради
Россия Президенти Владимир Путин ташрифи олдидан Чин мамлакати фуқароларига мурожаат қилиб, Россия ва Хитой муносабати мисли кўрилмаган даражада ривожланганини таъкидлади. Бу ҳақда “Kazinform” ёзган.
РФ етакчисининг 19-20 май кунларига мўлжалланган ташрифи икки мамлакат ўртасида яхши қўшничилик, дўстлик ва ҳамкорлик шартномаси имзоланганининг 25 йиллигига бағишланган. Шунингдек, жорий йил Россия – Хитой стратегик шериклиги ўрнатилганига 30 йил тўлади.
Путин ва ХХР Раиси Си Цзиньпин икки томонлама муносабатдаги долзарб масалалар, мамлакатлар ўртасидаги кенг қамровли шериклик ва стратегик ҳамкорликни янада чуқурлаштириш йўлларини муҳокама қилиш ҳамда асосий халқаро ва минтақавий масалалар бўйича фикр алмашишни режалаштиришган.
Эслатиб ўтамиз, ўтган ҳафта АҚШ Президенти Дональд Трамп Хитойга давлат ташрифи билан борган эди.
Г.Сатторова, ЎзА
