Полина Кудерметова Португалия турнирида муваффақиятли одимламоқда
Португалияда теннис бўйича аёллар ўртасида ўтаётган нуфузли мусобақада ҳамюртимиз Полина Кудерметова ярим финал йўлланмасини қўлга киритди.
Аниқроқ айтадиган бўлсак, WTA125 таснифига кирувчи “Oeiras CETO Open” мусобақасида ҳамюртимиз Полина Кудерметова чорак финалда италиялик Лучия Бронцеттига қарши ўтган ўйинда 7:6, 6:4 ҳисобида зафар қучди.
Энди мамлакатимизнинг иккинчи рақамли теннисчиси турнирнинг финал остонасида америкалик Уитни Осуигве билан куч синашади.
Уитни ушбу мусобақанинг жуфтлик баҳсларида Полина билан биргаликда иштирок этган эди. Ушбу жуфтлик илк даврада чорак финалда португалиялик Матильда Хорхе ва бельгиялик София Костулас дуэтига имкониятни бой бериб қўйган.
Жавоҳир Тошхўжаев, ЎзА
