Ўзбекистонда кучли зилзила содир бўлиши мумкинми? (+видео)
Сўнгги пайтларда турли мамлакатларда кузатилаётган зилзилаларга қарамай, олимлар глобал сейсмик фаоллик ошмаганини таъкидламоқда.
Сўнгги вақтда дунёнинг турли ҳудудларида кузатилаётган кучли сейсмик фаоллик жамоатчилик орасида кўплаб хавотирли саволларни келтириб чиқармоқда. Филиппин, Япония, Куба ёки АҚШда содир бўлаётган зилзилалар кўпчиликда ер қобиғи глобал даражада фаоллашиб кетгани ҳақида тахмин уйғотди.
Бинобарин, геология-минералогия фанлари доктори, профессор Собитжон Мақсудов таъкидлашича, глобал миқёсда сейсмик фаоллик меъёрдан ошгани йўқ. Бу ҳолат сайёрамиздаги мутлақ табиий ва одатий геологик жараён. Бугунги кунда ер тез-тез қимирлаётгандек туюлишига асосий сабаб ахборот оқими тезлашгани, интернет ривожлангани ва ўта сезгир маълумот қайд этадиган сейсмик мосламалар кўпайганидир.
Ижтимоий тармоқда ваҳима билан тарқатилаётган “сайёралар паради” ёки глобал иқлим ўзгариши эса илмий жиҳатдан зилзилага умуман алоқаси йўқ. Зеро, зилзилани фақат Ер остидаги ички қувват вужудга келтиради.
<iframe width="640" height="420" src="https://www.youtube.com/embed/yCyo-P7huMo" title="O‘zbekistonda kuchli zilzila sodir bo‘lishi mumkinmi? Mutaxassis javobi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Фардона Яхшибоева,
Улуғбек Тўхтаев (видеомуҳандис), ЎзА
