Непомняшийни мағлуб этган Жавоҳир бугун Карлсенга қарши дона суради

Бугун, 11 сентябрь куни Ҳиндистоннинг Бангалор шаҳрида давом этаётган “Tech Mahindra Global Chess League” турнирининг 9-турида Жавоҳир Синдоров сардорлигидаги “Fyers American Gambits” жамоаси Магнус Карлсен етакчилигидаги “Alpine Apl Pipers” жамоаси билан куч синашади.

Ушбу баҳснинг биринчи пахтасида Синдоров – Карлсен кураши кўпчиликнинг эътиборини тортиши билан аҳамиятлидир.

Айтиш лозимки, ҳар икки жамоа бугунги тур олдидан 15 очко билан турнир жадвалида етакчилик қилмоқда.

Мукофот жамғармаси 1 миллион АҚШ долларидан иборат “Tech Mahindra Global Chess League” турнирининг ортда қолган кунида Жавоҳир Синдоров сардорлигидаги “Fyers American Gambits” жамоаси россиялик Ян Непомняший бошчилигидаги “Ganges Grandmasters” жамоасини 13:5 ҳисобида мағлуб этди.

Биринчи тахтада ҳамюртимиз Жавоҳир Синдоров Непомняшийни, Бибисара Ассаубаева Полина Шуваловани таслим этди ва жамоасига муҳим ғалабани тақдим этди.

Турнирнинг сўнгги тур ўйинлари эртага, 12 сентябрь куни бўлиб ўтади.

Т.Рўзиев, ЎзА