Нега айнан электромобилларга талаб ошиб бормоқда?

Автомобиль харид қилишда энди нафақат унинг ташқи кўриниши, тезлиги ёки нархи инобатга олинади, балки ёқилғи сарфи, хизмат кўрсатиш харажатлари ва кундалик фойдаланишда қанчалик қулай экани ҳам муҳим мезонга айланди.

Шу жиҳатдан электромобилларга талаб ошди, йўлларда электрда ҳаракатланаётган машиналар сони ортди. 

Миллий статистика қўмитаси маълумотларига кўра, 2026 йилнинг январь-июнь ойларида Ўзбекистонга хориждан қиймати 447,7 млн. АҚШ долларига тенг бўлган 37 874 дона электромобиль импорт қилинган.

Бу кўрсаткич ўтган йилнинг мос даврига нисбатан 23,5 минг донага ёки 2,6 баробарга ошган.

Мазкур даврда Ўзбекистонга энг кўп электромобиль етказиб берган давлатлар:

Хитой – 37 560 дона

Гонгконг (Хитойнинг махсус маъмурий ҳудуди) – 141 дона

Корея – 80 дона

Германия – 42 дона

АҚШ – 21 дона

Бошқа давлатлар – 30 дона

Маълумот ўрнида,  қайд этиш лозимки, жорий йилнинг ўзида  Ўзбекистонда 109,2 мингтадан ошиқ электромобиль рўйхатга олинган.

Муҳайё Тошқораева, ЎзА