«Nasaf» - «Qizilqum» баҳсида 6:0 ҳисоби қайд этилди
ФОТОРЕПОРТАЖ
Кеча пойтахтимиздаги «Юнусобод» спорт мажмуасида футзал бўйича XXIX миллий чемпионатнинг олий лига жамоалари ўртасидаги 12-тур баҳсларига старт берилди.
Дастлаб Қаршининг “Nasaf” ҳамда Навоийнинг «Qizilqum» жамоалари майдонга тушди. Кескин ва муросасиз ўтган баҳсда қаршиликлар 6:0 ҳисобида ғалаба қозонди. Кейинги учрашув Самарқанднинг «Dinamo» ва Фарғонанинг «Neftchi» футзалчилари ўртасида бўлиб ўтди. Тенг кучлар доирасида ўтган беллашувда дуранг натижа – 2:2 қайд этилди.
Олий лиганинг 12 та жамоаси иштирок этаётган миллий чемпионат баҳсларида «BMB PFC» жамоаси 30 ўйиндан сўнг 81 та очко жамғарган ҳолда карвонбошилик қиляпти. Кейинги ўринларда бир хил очко (68 та) тўплай олган «OIL STAR» ва «SQB» клублари эгаллаб турибди. Аммо «SQB» жамоаси битта ўйин (31 та) кўп ўтказган.
[gallery-29612]
Миллий чемпионатнинг ғолиб ва совриндорларини тақдирлаш маросими жорий йилнинг 28 май куни бўлиб ўтиши режалаштирилган.
Муҳаммад АМИН (сурат), ЎзА
