“Мустақиллик кубоги”: илк кун ўйинлари кутилмаган натижалар ва кескин баҳсларга бой ўтди

Пойтахтимизда Ўзбекистон Миллий ахборот агентлиги, Ўзбекистон футбол ассоциацияси ҳамда мамлакатимиз Журналистлар уюшмаси ҳамкорлигида оммавий ахборот воситалари вакиллари ўртасида мини-футбол бўйича “Мустақиллик кубоги” мусобақаси давом этмоқда.

Мусобақанинг илк кунги беллашувлари юқори шиддат, муросасиз курашлар ва қатор кутилмаган натижалар билан ёдда қолди. Унда «А» ва «B» гуруҳларида иштирок этувчи барча жамоалар ўз учрашувларини ўтказиб бўлди. «C» ва «D» гуруҳларида эса айрим жамоаларда ўйинлар сони нисбатан кам бўлиб, бу ҳолат 7 май куни бўлиб ўтадиган навбатдаги баҳсларда жадвалда жиддий ўзгаришлар юз бериш эҳтимолини оширмоқда.

[gallery-29255]

Шу ўринда айтиш жоиз, турнир давомида айрим техник ҳолатлар ҳам қайд этилди. Жумладан, «Biz TV» жамоаси «Yangi O'zbekiston»га қарши учрашувда мусобақа регламентини бузгани сабабли унга техник мағлубият ёзилди.  

Шунингдек, «Markaziy sektor» жамоаси «Bugun Sport»га қарши ўйинга тўлиқ таркиб билан чиқа олмади. Натижада, низомга мувофиқ «Bugun Sport» жамоасига 3 очко тақдим этилди.

[gallery-29256]

“Мустақиллик кубоги” мусобақаси доирасида 7 май куни қуйидаги учрашувлар бўлиб ўтади:

08:00 — «Futbol TV» – «Daryo.uz», «Yangi O'zbekiston» – «Anhor.uz», «Biz TV» – «Yoshlar TV», «Sports.uz» – «Renessans»;

08:45 — «Bugun Sport» – «Turon», «O'zA» – «Markaziy sektor», «Kun.uz» – «Muslim.uz», «MTRK» – «Sevimli TV»;

09:30 — «Ishonch gazetasi» – «Qalampir.uz», «Bojxona.uz» – «Teleradio markazi», «Yoshlar TV» – «Daryo.uz», «Anhor.uz» – «Biz TV»;

10:15 — «Futbol TV» – «Yangi O'zbekiston», «Markaziy sektor» – «Renessans», «Turon» – «O'zA», «Sports.uz» – «Bugun Sport»;

11:00 — «Muslim.uz» – «MTRK», «Futgoal» – «Kun.uz», «Qalampir.uz» – «Bojxona.uz», «O'FA» – «Ishonch gazetasi».

[gallery-29257]

Мусобақа давом этмоқда.

Жавоҳир Тошхўжаев, Сарвар Ўрмонов (сурат), ЎзА.