Мезбон жамоа — ғолиб

ФОТОРЕПОРТАЖ

Мамлакатимиз мустақиллигининг 35 йиллиги муносабати билан Ўзбекистон Республикаси Мудофаасига кўмаклашувчи «Ватанпарвар» ташкилоти Наманган вилояти кенгаши тасарруфидаги Учқўрғон туман ўқув-спорт техника марказига қарашли картодромда картинг бўйича Ўзбекистон чемпионатининг финал босқичи ўтказилди.

Мусобақада республикамизнинг турли ҳудудларидан 8 жамоа таркибида 100 нафардан зиёд спортчи иштирок этди. Улар «Микро», «Мини», «Супермини», «Ок-жуниор», «Патриот», «КФ», «КЗ» ҳамда «Т-4 патриот ўсмирлар» синфларида ғолиблик учун баҳс олиб борди.

[gallery-30809]

Муросасиз ва қизғин кечган баҳслар якунига кўра, мезбон — Наманган вилояти жамоаси биринчи ўринни эгаллади. Пойтахт спортчилари иккинчи, Сирдарё вилояти картингчилари эса учинчи ўринни қўлга киритди.

Ғолиб ва совриндорларга «Ватанпарвар» ташкилотининг диплом ҳамда медаллари тантанали равишда топширилди.

Ҳотам МАМАДАЛИЕВ (сурат), ЎзА