“Mercedes-Benz” мудофаа секторига киришни кўриб чиқмоқда

“Mercedes-Benz” бош директори Ола Каллениус компания иқтисодий жиҳатдан мақсадга мувофиқ бўлса, ҳарбий ишлаб чиқаришда иштирок этиш масаласини кўриб чиқишга тайёрлигини билдирди.

Таъкидланишича, бундай фаолият автомобиль ва юк машинасига ихтисослашган компания бизнесининг бир қисмига айланади.
“The Wall Street Journal” нашрига берган интервьюсида тадбиркор “энди дунёни олдиндан башорат қилиб бўлмаяпти, Европа ўз мудофаа қобилиятини мустаҳкамлаши керак" дея таъкидлади.

“Агар тегишли имконият пайдо бўлса, “Mercedes-Benz” айни йўналишда фаоллашишга тайёр”, деди у.

Мазкур жамоа мудофаа секторида аллақачон билвосита иштирок этмоқда. Компания юк машиналари бўлимининг энг йирик акциядори сифатида турли мамлакатлар ҳарбий эҳтиёжи учун йўл танламас транспорт воситаларини етказиб беради.

С.Раҳимов, ЎзА