Каштачилик анъаналари давом этмоқда

ФОТОРЕПОРТАЖ

Янги Наманган туманининг Мингчинор маҳалласида яшовчи ҳунарманд Ҳакимжон Тожибоев 26 йилдан буён каштачилик билан шуғулланиб келмоқда. У моҳир каштачиларнинг учинчи авлод вакили.

Ҳунарманд шу давр мобайнида 5 мингдан зиёд шогирд тайёрлаган. Айни пайтда 200 нафарга яқин хотин-қизга каштачилик сир-асрорларини ўргатиб, уларнинг касаначилик асосида бандлигини таъминламоқда.

[gallery-30960]

Қўл меҳнати билан тайёрланаётган кашталар нафақат ички бозорда, балки Россия, Туркия, АҚШ ва қатор Европа давлатларида ҳам харидорлар эътиборини қозонмоқда.

Ҳакимжон Тожибоев Бельгия, Франция, Италия ва Туркияда ташкил этилган халқаро кўргазмаларда ўз ҳунармандлик маҳсулотлари билан иштирок этган.

Ҳунарманд келгусида миллий каштачилик анъаналарини янада кенг тарғиб этиш, сайёҳларни жалб қилиш ва ёшларга ҳунар ўргатиш мақсадида ҳунармандлар марказини ташкил этишни режалаштирмоқда.

Ҳотам МАМАДАЛИЕВ (сурат), ЎзА