Халқаро коалиция кучлари Ироқни тўлиқ тарк этди
Ироқда кўп йиллардан бери тахмин қилинган воқеа юз берди: Қўшма Штатлар бошчилигидаги халқаро коалиция кучлари мамлакатни қуруқлик, ҳаво ва денгиз орқали бутунлай тарк этди. Ироқ бош вазири Али аз-Зайдий ушбу воқеани “миллий муваффақият” деб эълон қилди ва 1 октябрдан эътиборан ўлкада тўлиқ мустақиллик даври бошланганини билдирди.
Таъкидланишича, эндиликда Ироқ ҳукумати ўз ҳудудида мутлақ назоратни ўрнатишни мақсад қилган. Бош вазирнинг қайд этишича, энг асосий вазифа давлат назоратидан ташқарида бўлган барча ноқонуний қуролли гуруҳларни қуролсизлантириш ва қурол-яроғларни фақат расмий идораларга топширишдир. Ушбу жараён учун аниқ “йўл харитаси” белгиланиб, 2027 йилнинг 30 июнига қадар якунланади.
Бундан буён Ироқда уруш ва тинчлик ҳақидаги қарорларни фақат конституциявий давлат органлари қабул қилади. Мамлакат ўзининг хавфсизлигини мустаҳкамлаш учун замонавий ҳаво мудофаа тизимларини харид қилишни ва “Ҳашди Шаъбий” кўнгиллилар тузилмасини расмий қуролли кучлар таркибига киритишни режалаштирмоқда.
Ушбу тарихий бурилиш муносабати билан Ироқда 1 октябрь санаси “Ироқ суверенитети куни” сифатида кенг нишонланмоқда.
Ф.Яхшибоева, ЎзА
