GSMA M360 Eurasia 2026 Самарқандда: рақамли инфратузилма, сунъий интеллект ва стратегик ҳамкорлик кун тартибининг марказида

Самарқанд шаҳрида илк бор ўтказилган GSMA M360 Eurasia 2026 50 дан ортиқ маърузачиларни, 40 дан зиёд мамлакат ва ҳудудлар ҳамда 250 та компания, жумладан, телеком-операторлар, технологик бизнес, инвесторлар ва давлат сектори вакилларини бир даврага жамлади. Тадбир иштирокчиларининг ярмидан кўпини директор ва ундан юқори лавозимдаги раҳбарлар ташкил этиб, улар сунъий интеллект, 5G, киберхавфсизлик ҳамда Ўзбекистон ва Евроосиё минтақасининг рақамли инфратузилмаси келажагига бағишланган юқори даражадаги муҳокамаларни ўтказдилар.

GSMA M360 Eurasia 2026 Евроосиё ҳудудида инвестициялар, рақамли инфратузилма va узоқ муддатли ҳамкорлик масалалари бўйича амалий мулоқот учун самарали майдонга айланди. Диққат марказида сунъий интеллект, замонавий алоқа технологиялари, булутли ресурслар ва data-марказлар ривожланиши телеком бозорларини қандай трансформация қилаётгани ҳамда миллий иқтисодиётлар, бизнес ва истеъмолчилар учун қандай янги имкониятлар яратаётгани бўлди. Шунингдек, кун тартибида минтақанинг барқарор ва хавфсиз рақамли келажагини барпо этишда тармоқлараро ҳамкорликнинг ўта муҳим аҳамияти алоҳида таъкидланди.

M360 Eurasia кун тартибининг минтақа рақамли келажагини белгилаб берувчи асосий мавзулари:

➖Сунъий интеллект ва унинг телеком-бизнес моделларига ортиб бораётган таъсири;

➖Киберхавфсизлик ва барқарор рақамли инфратузилма;

➖Data-марказлар ва булутли хизматлар ролининг кенгайиши;

➖Алоқа тармоқлари учун энергия самарадорлиги юқори ва экологик ечимлар;

➖Рақамли трансформацияни жадаллаштиришда давлат-хусусий шериклиги.

Рақамли технологиялар вазири Шерзод Шерматов шундай деди:

«GSMA M360 Eurasia лойиҳасининг Самарқандда ўтказилиши — Ўзбекистоннинг рақамли трансформацияси учун тарихий ва бурилиш палласи бўлди. Бугунги кунда мамлакатимиз минтақанинг етакчи IT-хаби — глобал ҳамкорлик алоқалари ўрнатиладиган ва эртанги куннинг рақамли иқтисодиёти пойдевори қўйиладиган макон сифатида ўз ўрнини қатъий мустаҳкамламоқда. Жаҳон миқёсидаги технологик етакчилар инвестиция ва инновациялар киритиш учун айнан Ўзбекистонни танлаётгани „Ўзбекистон–2030“ стратегиямиз муваффақиятининг яққол тасдиғидир. Мустақиллигимизнинг 35 йиллигини нишонлаётган йилимизда ушбу муҳим босқич замонавий, очиқ ва кeлажакка интилаётган рақамли мамлакатни барпо этиш йўлида qанчалик улкан масофани босиб ўтганимизни кўрсатиб турибди».

VEON гуруҳи бош ижрочи директори Каан Терзиоглу таъкидлади:

«Бизнинг келажак ҳақидаги тасаввуримиз — локал тил моделлари ва умумий сунъий интеллект инфратузилмасидан фойдаланиш орқали кенгайтирилган интеллект имкониятларининг ҳар бир хонадон ва ҳар бир қишлоқ учун очиқ бўлишидир. Бу Ўзбекистоннинг жаҳон рақамли ривожланиш рейтингидаги етакчи ўрнини мустаҳкамлайди. Ўзбекистон Марказий Осиёдаги ушбу трансформацияда тобора муҳим роль ўйнамоқда. Биз рақамли инфратузилма, истеъдодли кадрлар ва инновацияларга узоқ муддатли инвестициялар киритиш учун улкан салоҳиятни кўряпмиз ҳамда мамлакатнинг минтақавий технологик марказ сифатидаги мавқеини мустаҳкамлашга қаратилган интилишларини қўллаб-қувватлашда давом этамиз».

Beeline Uzbekistan бош директори Евгений Настрадин шундай деди:

«Самарқандда бўлиб ўтган M360 Eurasia кўргазмасида иштирок этиш глобал технология етакчилари, халқаро ташкилотлар, регуляторлар ва бутун минтақада рақамли иқтисодиёт келажагини shakllantiradigan бизнес ўртасидаги мулоқотни мустаҳкамлаш учун муҳим майдонни тақдим этди. Ўзбекистон учун бундай миқёсдаги тадбирнинг ўтказилиши мамлакатнинг инновациялар, инвестициялар ва рақамли трансформациялар учун стратегик марказ сифатидаги роли ортиб бораётганини акс эттиради. Beeline Uzbekistan учун M360 Eurasia нафақат тажриба алмашиш ва соҳадаги асосий тенденцияларни муҳокама қилиш, балки мижозлар, бизнес ва миллий иқтисодиёт учун узоқ муддатли қиймат яратадиган барқарор рақамли экотизимни яратишга ҳисса қўшиш имкониятидир».

GSMA тартибга солиш масалалари бўйича бош директори Жон Жусти таъкидлади:

«M360 Eurasia 2026 тўғри танланган мулоқот иштирокчилари бир жойга жамланганда қандай юксак натижаларга эришиш мумкинлигининг ёрқин ва илҳомлантирувчи намунасига айланди. Ушбу халқаро анжуман келажакнинг рақамлаштирилган ва хавфсиз иқтисодиётини барпо этишда ҳамкорлиги ҳал қилувчи аҳамиятга эга бўлган давлат сиёсатининг етакчи арбоблари, тартибга солувчи органлар ҳамда соҳа раҳбарларини бирлаштирди. Ушбу кенг кўламли лойиҳани юқори савияда ташкил этган мезбонларимиз ҳамда ҳамкорларимизга самимий миннатдорчилигимни билдираман. Замонавий алоқа технологиялари сунъий интеллектдан тортиб киберхавфсизлик ва барқарор инфратузилманинг пойдевори бўлиб хизмат қилади. Бу тадбирдаги мулоқотнинг юқори даражаси минтақа ушбу стратегик кун тартибини амалга оширишга қанчалик жиддий ёндашаётганини яққол намойиш этмоқда».

GSMA M360 халқаро доирасида VEON ва Beeline Uzbekistan ҳамкорликда Global Digital Integrity Forumини ўтказдилар. Мазкур анжуман Евроосиё ҳудудида ишбилармонлик этикаси, комплаенс ва геосиёсий рискларни бошқариш соҳасида биргаликдаги ҳаракатларни фаоллаштиришга қаратилди. VEON бош директори Каан Терзиоглу ва GSMA бош директори Жон Жусти инновацияларни жорий этиш ишончли ҳимоя механизмлари ва самарали назорат билан параллель равишда бориши учун давлат ва хусусий сектор ўртасидаги фаол мулоқот зарурлигини таъкидладилар.

«Рақамли даврда масъулиятни ошириш» ва «Рақамли асрда ҳисобдорликни ошириш» мавзусидаги панель муҳокамалари телекоммуникация саноати, fintech сектори ҳамжамияти етакчилари ва тартибга солувчи органлар вакилларини корпоратив бошқарув ҳамда комплаенс стандартларининг тезкор технологик ўзгаришлар суръатига ва меъёрий-ҳуқуқий базага қандай мослашиши мумкинлигини ўрганиш ва муҳокама қилиш учун бирлаштирди.

«Рақамли асрда ҳисобдорликни ошириш»  мавзусидаги панель муҳокамаси телекоммуникация саноати, fintech сектори ва тартибга солувчи органларнинг етакчи вакилларини йиғиб, меъёрий-ҳуқуқий база ва бошқарув механизмлари тезкор технологик ўзгаришларга қандай мослашиши мумкинлигини ўрганди.

Beeline Uzbekistan ҳақида

Beeline Uzbekistan ("Unitel" МЧЖ) 2006 йил 12 сентябрдан бошлаб ушбу савдо белгиси остида рақамли оператор сифатида фаолият юритиб келмоқда. Компания мамлакатдаги йирик солиқ тўловчилардан бири бўлиб, Ўзбекистондаги фаолияти давомида тахминан 2,1 миллиард АҚШ доллари миқдорида солиқ тўлаган. 2 000 дан ортиқ ходимга эга Beeline Uzbekistan Top Employer 2024, 2025 ва 2026 сертификатига сазовор бўлган.

Beeline Uzbekistan  VEON Group таркибига киради. VEON 2006 йилдан буён Ўзбекистон телекоммуникация соҳасига 1,6 миллиард АҚШ долларидан ортиқ сармоя киритган.

VEON — бу 150 миллиондан ортиқ алоқа ва 229 миллион рақамли фойдаланувчига алоқа ва рақамли хизматлар кўрсатувчи рақамли оператор. Дунё аҳолисининг 6 фоизидан ортиғи яшайдиган бешта мамлакатда фаолият юритиб, VEON инсонларнинг имкониятларини кенгайтириш ва иқтисодий ўсишни рағбатлантириш учун технологияларга асосланган хизматлар орқали ҳаётни ўзгартирмоқда. VEON акциялари NASDAQ биржасида сотилади. Батафсил маълумот: https://www.veon.com.

Сайт: beeline.uz

Facebook: @beeline.uz

Instagram: @beeline_uzbekistan

Telegram: @beelineuzbekistan

X: @beeline_uz

LinkedIn: @beeline-uzbekistan