Франция Украинага янги авлод қирувчи самолётларини етказиб беради
Украина яқин ҳафталарда ракеталар билан бирга тақдим этиладиган янги авлод “SAMP/T” ҳаво ҳужумидан мудофаа батареяларининг илк туркумини қабул қилиб олади.
Шунингдек, 16 та “Mirage” қирувчи самолётига эга бўлади. Бу ҳақда Франция президенти Эммануэль Макрон Парижда бўлиб ўтган “Кўнгиллилар коалицияси” етакчиларининг учрашувидан сўнг маълум қилди ва биринчи учоқ 2028–2029 йилларда Украина осмонида парвоз қилишни бошлашини таъкидлади.
Мазкур тизимларни ишлаб чиқарувчи “MBDA” компаниясининг маълум қилишича, янги авлод “SAMP/T” мажмуалари тактик баллистик ракеталарни уриб тушириш бўйича кенгайтирилган имкониятларга эга.
Бундан ташқари, Макрон яқин ойларда коалиция кучлари Украинага қўшни давлатлар ҳудудида ҳарбий машғулотлар ўтказишини эълон қилди. Франция ва Буюк Британия етакчилигидаги ушбу коалиция Россия билан сулҳ битими имзоланган тақдирда, Украинага тезкорлик билан ҳарбий контингент киритишни режалаштирмоқда.
Ф.Яхшибоева, ЎзА
