ФИФА әлем чемпионаты: Испания Португалияны, Бельгия АҚШ-ты жеңді
Футболдан әлем чемпионатының 1/8 финалында тағы екі кездесу өтіп, Испания мен Бельгия ширек финалға жолдама алды.
Алғашқы матчта Испания құрамасы Португалияны 1:0 есебімен жеңіп, 2010 жылғы әлем чемпионатындағы жеңісінен бері алғаш рет турнирдің ширек финалына шықты. Жеңіс голын қосымша уақытта жартылай қорғаушы Микель Мерино соқты.
Жеңілістен кейін Португалия құрамасының бас бапкері Роберто Мартинес қызметінен кететінін мәлімдеді. Ал, 41 жастағы капитан Криштиану Роналдуға соңғы мундиал осылай аяқталды.
Екінші кездесуде Бельгия құрамасы АҚШ-ты 4:1 есебімен ойсырата жеңді. Шарль де Кетеларе дубль авторы атанса, Ханс Ванакен мен Ромелу Лукаку бір-бір голдан соқты. АҚШ құрамасы сапынан Малик Тиллман мергендігімен көзге түсті.
