“Фидойи волонтёр” кўкрак нишони таъсис этилади

“Волонтёрлик фаолиятини янада оммалаштириш бўйича қўшимча чора-тадбирлар тўғрисида”ги Президент фармони қабул қилинди.

Фармонга кўра, қуйидагилар волонтёрлик фаолиятини янада оммалаштиришнинг асосий мақсадлари этиб белгиланди:

– аҳоли, айниқса, ёшларда ижтимоий масъулият, ҳамжиҳатлик, ўзаро ёрдам ва раҳм-шафқат туйғуларини кенг шакллантириш;

– ижтимоий ҳимояга муҳтожлар, ёлғиз кексалар, ногиронлиги бўлган шахсларга беғараз ёрдам кўрсатиш ҳамда атроф-муҳитни муҳофаза қилиш бўйича хайрия тадбирларини амалга ошириш ва бошқалар.

“Эзгулик сари қадам” шиори остида волонтёрлик фаолиятини умуммиллий ҳаракатга айлантириш, волонтёрлик соҳасида халқаро ҳамкорликни янада ривожлантириш мақсадида:

– волонтёрлар иштирокида ижтимоий аҳамиятга молик тадбирлар, лойиҳалар ва акциялар ўтказилишини ташкил этиш, уларнинг ҳуқуқ ва эркинликларига риоя этилишини таъминлаш, волонтёрлар моддий ва маънавий рағбатлантирилади;

– “Фидойи волонтёр” кўкрак нишони таъсис этилади;

– 5 декабрь – Халқаро кўнгиллилар куни кенг нишонланади;

– халқаро ташкилотлар ва хорижий давлатлар вакиллари иштирокида Осиё волонтёрлари форуми ўтказиб борилади.

ЎзА