Енгил атлетика: Анвар Анваров Финляндиядаги нуфузли турнир чемпиони
Финляндияда ўтказилган “Joensuu Motonet GP” халқаро турнирида енгил атлетикачимиз Анвар Анваров узунликка сакраш баҳсларида ғолибликни қўлга киритди.
“World Athletics Continental Tour 2026” тизимидаги мусобақаларнинг бронза босқичи доирасида ташкил этилган турнирда дунёнинг энг кучли енгил атлетикачилари ғолиблик йўлида ҳамда халқаро рейтинг балларини ошириш учун баҳслашди.
Муросасиз кечган мусобақалар якунида ҳамюртимиз А.Анваров 7,97 метр натижа қайд этиб, турнирнинг узунликка сакраш дастурида ғолиблик шоҳсупасидан жой эгаллади.
Т.Рўзиев,
ЎзА
