Давлатимиз раҳбари инвестиция масалаларига тўхталиб ўтди
Президент Шавкат Мирзиёев Фарғона вилоятини ижтимоий-иқтисодий ривожлантириш масалалари юзасидан йиғилиш ўтказмоқда.
Вилоятдаги 1 минг 77 гектар экин ерлари саноат зоналари учун ажратиб берилган. Туман ҳокимлари инвестиция сифатини асосий мезон қилиб белгилаб, ҳар бир гектар ер йилига камида 50 миллиард сўмлик маҳсулот олиб келиши бўйича изланишлари шартлиги кўрсатиб ўтилди.
Саноат зоналарида 5 миллиард долларлик лойиҳаларни бошлаш топширилди. Бешариқдаги Андархон маҳалласидаги 7 гектар майдонда эркин савдо зонаси ташкил этилиши белгиланди.
Қўқондаги 11 гектарда жойлашган механика заводи бор-йўғи 20 фоиз қувватда ишлаётгани кўрсатиб ўтилди. Бу ерда 70 миллион долларлик йирик савдо комплексини барпо қилиш таклифи қўллаб-қувватланди.
ЎзА
