Chorak finallar yakunlanib, yarim final juftliklari aniqlandi

Yarim finalning so‘nggi ishtirokchisi Argentina terma jamoasi bo‘ldi.

Barcha chorak final uchrashuvlari yakunlangach, 2026-yilgi jahon chempionatining yarim final juftliklari ma’lum bo‘ldi.

Yarim finalning so‘nggi ishtirokchisi Argentina terma jamoasi bo‘ldi. Chorak final uchrashuvida argentinaliklar qo‘shimcha bo‘limlarda Shveytsariya terma jamoasini 3:1 hisobida mag‘lub etib, turnirning keyingi bosqichiga yo‘l olishdi.

Avvalroq, Angliya terma jamoasi yarim final yo‘llanmasini qo‘lga kiritgan edi, ular ham qo‘shimcha vaqtda Norvegiyaning qarshiligini sindirdi - 2:1.

Shunday qilib, jahon chempionatining yarim finalida quyidagi o‘yinlar bo‘lib o‘tadi:

Fransiya - Ispaniya (14-iyul);

Argentina - Angliya (15-iyul).

Ikkala yarim final ham Toshkent vaqti bilan soat 00:00da boshlanadi.

 Eslatib o‘tamiz, jahon chempionati finali 19-iyul kuni bo‘lib o‘tadi.