Чемпионлар туғилмайди! Улар мана шундай тарбияланади… (+видео)
Чемпионлик шоҳсупасига чиқишдан аввал босиб ўтиладиган йўл қандай? Бир болани чемпион қилиб тарбиялаш учун мураббий нималардан воз кечади? Нега баъзи болалар йўлнинг ярмида тўхтайди-ю, бошқалари эса тарих ёзади? Ушбу саволларга жавоб олиш мақсадида Мирзо Улуғбек тумани, 248 мактаб қошида ташкил этилган профессионал карате тўгарагида бўлдик.
Сир эмаски, ҳар бир чемпионнинг бўйнидаги медал ортида юзлаб машғулотлар, минглаб такрорлар, мағлубиятлар, кўз ёшлари ва энг муҳими — ишончини йўқотмаган устоз туради.
Баъзи ҳолатларда ота-онаси билан келадиган кичкинтойлар тўгаракка киришни истамайди. Онасининг қўлини маҳкам ушлаб йиғлайди, қайтишни хоҳлайди. Аммо ўзига ишонган профессионал мураббий эса унинг келажагини кўз ёшларидан устун қўяди. Қолаверса, шогирдига фақат зарба беришни эмас, ҳаётда йиқилмасликни ҳам ўргатади.
Бу гал сизга медаллар ҳақида эмас, ўша медалларга олиб борадиган машаққатли йўл ҳақида ҳикоя қиламиз.
Батафсил: <iframe width="1335" height="751" src="https://www.youtube.com/embed/vWoGn7xmRYw" title="Chempionlar tug‘ilmaydi! Ular mana shunday tarbiyalanadi…" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Моҳичеҳра Эшмирзаева, Ойбек Давронов, ЎзА
