Бұхарада өткен V халықаралық көкпар турнирінде Қазақстан құрамасы жеңімпаз атанды

Бұхарада V халықаралық командалық көкпар турнирі өтті. Бұл турнир тек тартысты әрі ымырасыз бәсекелерімен ғана емес, сонымен қатар шынайы достық кездесулерімен де есте қалды.

Жарысқа Өзбекстан, Қазақстан, Қырғызстан, Қытай және Ресей командалары қатысып, көшпенділер өркениетінен тамыр тартқан көкпар өнеріндегі шеберліктерін паш етті. 

Қызу да тартысты бәсекелер қорытындысында 3-орынды Өзбекстан құрамасы иеленді. Қырғызстан командасы жүлделі 2-орынға табан тіресе, Қазақстан құрамасы жарыстың абсолютті жеңімпазы атанып, 1-орынға лайық деп танылды.

Турнир соңында жеңімпаздар мен жүлдегерлер салтанатты түрде марапатталып, оларға дипломдар, медальдар және естелік сыйлықтар табысталды. Бұл сайыс – көкпардың тек ойын емес, ұлт рухын асқақтататын, батырлық пен бірлікті дәріптейтін ұлы мұра екенінің тағы бір дәлелі болды.

[gallery-28445]

суреттерді түсірген Т.Истатов, ӨзА