Buxoro buyuk tarixidan kuç olib, yangi taraqqiyot sari intilmoqda
Prezident Şavkat Mirziyoyev Buxoro viloyatiga taşrifi doirasida yangi obʼektlarni işga tuşiriş va istiqbolli loyihalar qurilişiga start beriş marosimida iştirok etdi.
Buxoro asrlar davomida ilm-fan, madaniyat va hunarmandçilik markazi bölib kelgan. Bugun ajdodlarimizdan meros bunyodkorlik anʼanalari zamonaviy işlab çiqariş, tadbirkorlik va turizm rivojida davom etmoqda.
Davlatimiz rahbari sönggi töqqiz yilda viloyatga 9,5 milliard dollarlik xorijiy investitsiya jalb qilinib, 6 mingdan ortiq yangi işlab çiqariş quvvati va 120 mingta doimiy iş örni yaratilganini qayd etdi. Bu natijalar odamlarning bandligi va daromadi oşişi, mahalliy korxonalarning yangi bozorlarga çiqişida öz ifodasini topmoqda.
– Bugungi Buxoro buyuk tarixdan yangi taraqqiyot va muhtaşam loyihalar davriga şiddat bilan yuzlanmoqda, – dedi Prezidentimiz.
Neft-kimyo, töqimaçilik, quriliş materiallari, maşinasozlik, energetika, toğ-kon sanoati, farmatsevtika, raqamli texnologiyalar, logistika, qişloq xöjaligi, oziq-ovqat, uy-joy qurilişi, infratuzilma, xizmat körsatiş va turizm sohalarida umumiy qiymati 7,8 milliard dollar bölgan 145 ta loyihadan iborat dastur şakllantirilgan. Şundan 654 million dollarlik 55 ta loyiha işga tuşirilmoqda, qiymati 7,1 milliard dollar bölgan yana 90 tasining qurilişi boşlanmoqda.
Loyihalarda AQŞ, Kanada, Germaniya, Yaponiya, Janubiy Koreya, Singapur, Xitoy, Vetnam, Turkiya, Birlaşgan Arab Amirliklari, Saudiya Arabistoni, Rossiya va Hindiston investorlari, Osiyo taraqqiyot banki, Osiyo infratuzilma investitsiyalari banki hamda mahalliy tadbirkorlar iştirok etmoqda.
Ularning amalga oşirilişi natijasida 14 mingdan ortiq iş örni yaratilişi, yiliga 22 trillion sömlik mahsulot işlab çiqarilişi va 510 million dollarlik eksport imkoniyati paydo bölişi kutilmoqda.
– Maqsadimiz bitta – import örnini bosadigan va taşqi bozorlarda talab yuqori bölgan mahsulotlar işlab çiqariş, – dedi davlatimiz rahbari.
Viloyatda energetika sohasida ham yirik quvvatlar barpo etilmoqda. Sönggi yillarda “yaşil” energetikaga 2 milliard dollar jalb qilinib, 1 ming megavatt şamol va 750 megavatt quyoş elektr stansiyalari, şuningdek, 63 megavattli energiya saqlaş tizimlari işga tuşirildi. 601 kilometr magistral elektr tarmoği tortildi.
Ğijduvonda “ACWA” kompaniyasi bilan 300 megavattli “Boş-2” şamol elektr stansiyasi, Jondorda “Toyota Corporation” va Peşkuda “Sinoma” kompaniyalari iştirokida umumiy quvvati 1 ming megavatt bölgan şamol elektr stansiyalarining qurilişi davom etmoqda. Xitoylik hamkorlar bilan Kogon tumanida maişiy çiqindilardan elektr energiyasi olişga qaratilgan 165 million dollarlik loyihani amalga oşiriş, Germaniyaning “Leman” kompaniyasi bilan esa “Amu-Buxoro” kanali nasos stansiyalarining barqaror işlaşini taʼminlaş böyiça 150 million dollarlik loyihani yölga qöyiş rejalaştirilgan.
Viloyatning paxtaçilikdagi tajribasiga tayangan holda zamonaviy töqimaçilik klasterlari rivojlantirilmoqda. Buxoro şahrida “Kurt Baver” brendi ostida yiliga 62 ming tonna mahsulot işlab çiqaradigan töqimaçilik kompleksi barpo etiladi. Romitanda xitoylik investorlar iştirokida qiymati 400 million dollar bölgan paxta-töqimaçilik klasteri taşkil etilmoqda. Uşbu loyihalar doirasida 9 ming gektar yerni özlaştiriş taşabbusi ham ilgari surilgan. Natijada yuqori qöşilgan qiymatli mahsulotlar uluşini 65 foizga yetkaziş va qöşimça 100 million dollarlik eksport imkoniyatini yaratiş közda tutilgan.
Turizm Buxoro taraqqiyotining yana bir muhim yönalişidir.
– Qadimiy obidalar, madaniy meros va zamonaviy infratuzilma uyğunligi Buxoroni sayyohlarning sevimli maskaniga aylantiryapti. Bugungi tadbirimiz ötayotgan, yangidan barpo etilayotgan Buxoro turizm markazi ana şu ezgu maqsadga xizmat qiladi, – dedi davlatimiz rahbari.
Markazda “Boqiy Buxoro” madaniy-etnografik parki, körgazmalar zali, zamonaviy mehmonxonalar, madaniy va köngiloçar maskanlar barpo etiladi. Şuningdek, Buxoro şahrida “Indigo”, “Holiday Inn” va “Hilton” xalqaro brendlari ostida mehmonxonalar taşkil etiş rejalaştirilgan.
– Umuman, Buxoroda qiymati 3 milliard dollarlik 19 ta yirik loyihani boşlaymiz. Agar bu işlarni tizimli taşkil qilsak, birgina Buxoroning özida bemalol 5 milliard dollarlik turizm xizmatlari eksportini taʼminlaymiz, – dedi Prezidentimiz.
Kelgusi beş yilda Buxoro viloyati aholisini töliq içimlik suvi bilan, yirik şaharlar va tuman markazlarini esa kanalizatsiya tarmoği bilan taʼminlaş maqsad qilingan. Xalqaro hamkorlar bilan umumiy qiymati 633 million dollar bölgan ikkita yirik loyiha boşlangan. Ularning hisobiga 2 million nafar aholining suv taʼminoti yaxşilanadi, 781 ming nafar aholi ilk bor içimlik suviga ega böladi.
Şuningdek, viloyatning tranzit salohiyatini uç karra oşirişga qaratilgan, qiymati 565 million dollar bölgan yettita yöl loyihasi amalga oşiriladi.
Prezidentimiz ramziy tugmani bosib, yangi obʼektlarni işga tuşirdi va istiqbolli loyihalar qurilişiga start berdi. Xorijlik investorlar bilan muloqot bölib ötdi.
Şu yerning özida davlatimiz rahbari Buxoro infratuzilmasini 2027-yilda ötkazilişi rejalaştirilgan sammitlarga puxta tayyorlaş yuzasidan mutasaddilarning axborotlarini tingladi va tegişli topşiriqlar berdi.
