АҚШ Россия ва Украина зудлик билан тинчлик музокарасига қайтиши тарафдори
БМТ Хавфсизлик Кенгаши йиғилишида Қўшма Штатлар Россия ва Украинани зудлик билан тинчлик музокарасига қайтиш ва урушни тугатиш бўйича келишувга эришишга чақирди.
Қўшма Штатларнинг БМТдаги доимий вакили ўринбосари Дэн Негря Вашингтон Украинани ўз суверенитетини ҳимоя қилишда қўллаб-қувватлаши ва маданий мерос объектлари каби фуқаролик инфратузилмасига қилинган ҳужумларни қоралашини таъкидлади.
У АҚШ Россия мислсиз йўқотиш ва иқтисодий қийинчиликка дуч келаётгани, Украина эса мудофаа қобилиятини мустаҳкамлашда давом этаётганига ишонишини таъкидлади.
Унинг фикрича, можародан чиқишнинг ягона йўли дипломатия, дарҳол сулҳ тузиш ва томонлар ўртасида музокарани қайта бошлаш.
С.Раҳимов, ЎзА
