АҚШ Куба бўйича сиёсат ҳисоботини эълон қилди
АҚШ Давлат департаменти Куба раҳбариятининг сиёсати ва уларнинг минтақага таъсирини таҳлил қилишга бағишланган 64 саҳифали “Cuba: The Capital of 21st Century Communism” (Куба 21-аср коммунизмининг пойтахти) номли ҳужжатни нашр этди. Давлат котиби Марко Рубио назорати остида тайёрланган ҳужжат Вашингтоннинг Гавана бўйича позициясини бир нечта муҳим соҳаларда тизимлаштиради.
Ҳисоботда Куба расмийлари Лотин Америкаси ва Қўшма Штатларда чап қанот мафкурасини мунтазам равишда тарғиб қилишда ва марксистик ҳаракатларни қўллаб-қувватлашда айбланган. Шунингдек, Куба разведка агентликларининг иши ва оролдан Вашингтоннинг геосиёсий рақиблари разведка инфратузилмаси учун база сифатида фойдаланиш батафсил кўриб чиқилган.
Экспертлар фикрича, ҳисоботнинг нашр этилиши АҚШ маъмуриятининг Кубага нисбатан қаттиқ сиёсати давом этишини яна бир бор намойиш қилади.
Бу йўналиш Вашингтоннинг Гаванага нисбатан келажакдаги сиёсати учун концептуал асосни ташкил этади, дейилади хабарда.
С.Раҳимов, ЎзА
