Зеленский - Мерц учрашуви: ёрдам, уруш ва келажак масалалари (+видео)
Владимир Зеленский 14 апрель куни Берлинга ташриф буюриб, Германия канцлери Фридрих Мерц билан учрашди. Германия пойтахтида Германия–Украина ҳукуматлараро маслаҳатлашувлари ҳам бўлиб ўтмоқда, деб хабар берди DW нашри.
Украина делегацияси таркибида бир қатор вазирлар ҳам иштирок этмоқда. Музокараларда асосий эътибор Украинага молиявий ва ҳарбий ёрдамни давом эттириш, мамлакатни қайта тиклаш ва уруш туфайли чет элга чиқиб кетишга мажбур бўлган фуқароларни қайтариш масалаларига қаратилган.
Томонлар учун энг нозик мавзулардан бири, ҳарбий хизмат ёшидаги украиналик эркакларнинг - қайтиш, мажбурият ва ҳуқуқий чекловлар масалалари муҳокама қилинади.
Шунингдек, музокаралар якунида бир нечта келишувлар имзоланиши кутилмоқда, шундан сўнг Мерц ва Зеленский қўшма матбуот анжумани ўтказади. Музокаралар натижаларига шу анжуман доирасида аниқлик киритилади.
Германия Россия – Украина уруши бошланганидан бери Киевга 55 миллиард евро миқдорида ҳарбий ёрдам кўрсатган. 2026 йил яна 11,5 миллиард евро ажратиш режалаштирилган.
Куннинг иккинчи ярмида Зеленский Норвегияга жўнаб кетиши кутилмоқда.
<iframe width="650" height="420" src="https://www.youtube.com/embed/CXdf8TWiUaM" title="Zelenskiy - Mers uchrashuvi: yordam, urush va kelajak masalalari" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Кенжа Бекжонов, Салимжон Обиджонов, ЎзА
