Трампнинг махсус вакили Мисрда ҲАМАС етакчилари билан учрашди (+видео)
АҚШ президентининг махсус вакили ва Дональд Трампнинг куёви Жаред Кушнер Ғазо секторида тинчлик режасини амалга ошириш доирасида Мисрда ҲАМАС вакиллари билан учрашди, деб хабар берди DW нашри.
Жаред Кушнернинг айтишича, агар ҲАМАС қуролсизланса, Исроил ҳам келишилган чораларни кўриши мумкин.
Маълумотларга кўра, Кушнер ва ҲАМАС вакиллари ўртасидаги суҳбат 90 дақиқа давом этган. ҲАМАС раҳбарлари Кушнердан келишувларга содиқ қолишларини Трампга етказишни сўраган. Америкалик вакиллар ҲАМАСнинг бу позициясини олқишлаган.
Нашр манбасининг айтишича, Жаред Кушнер ҲАМАС вакилларига шундай деган: агар улар Исроил ҳам тегишли чораларни кўришини истаса, қуролсизланиш бўйича аниқ қадамлар ташлаши керак.
ҲАМАСдан кутилаётган аниқ чоралар қаторига ҳокимиятни Фаластиннинг технократик ҳукуматига топшириш ва ҲАМАС келажакда Ғазо секторини бошқаришда ҳеч қандай роль ўйнамаслигига кафолат бериш киради.
Нетаняҳу эса «Тинчлик кенгаши»нинг Ғазо бўйича режасини рад этмоқда. Жаред Кушнер 17 август куни Исроилга бориб, мамлакат бош вазири Биньямин Нетаняҳу билан учрашади. Учрашувда Исроил томони кўриши керак бўлган «тегишли чоралар» муҳокама қилинади.
16 август куни Саудия Арабистони, Миср, Иордания, Покистон, Индонезия, Қатар, Туркия ва Бирлашган Араб Амирликлари ташқи ишлар вазирлари қўшма баёнот эълон қилди.Улар Исроилнинг Ғазо секторида тинчлик ўрнатишга қаратилган «асосий режа»ни ҳамда
Фаластин давлатини ташкил этиш ғоясини рад этганини танқид қилди.
Баёнотни имзолаган давлатлар Исроилни адолатли ва узоқ муддатли тинчликка эришиш бўйича қўшма саъй-ҳаракатларга тўсқинлик қилаётганликда айблади.
<iframe width="650" height="420" src="https://www.youtube.com/embed/zgivKTDmLdc" title="Trampning maxsus vakili Misrda HAMAS yetakchilari bilan uchrashdi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Кенжа Бекжонов, ЎзА
