"Тошкент – Андижон" йўналишида янги электропоезд қатнови йўлга қўйилади
Жорий йил 10 сентябрдан бошлаб "Тошкент — Андижон" йўналишида замонавий тезюрар “CRRC-Далянь” электропоезди қатнови йўлга қўйилади.
Янги электропоезд 730/729-сонли “Тошкент — Андижон — Тошкент” йўналишида амалда ҳаракатланаётган поезд таркиби ўрнига хизмат кўрсатади.
730-сонли поезд “Тошкент-Жанубий” бекатидан соат 09:20 да йўлга чиқади.
Қатнов жадвали:
Тошкент – Жанубий — 09:20
Ангрен — 10:25
Поп — 12:00
Қўқон — 12:28
Марғилон — 13:00
Андижон — 13:35
729-сонли поезд Андижондан соат 15:38 да ҳаракатланиб, Тошкентга 19:53 да етиб келади.
Қатнов жадвали:
Андижон — 15:38
Марғилон — 16:11
Қўқон — 16:43
Поп — 17:11
Ангрен — 18:50
Тошкент-Жанубий — 19:53
Замонавий электропоездда жами 357 та йўловчи ўрни мавжуд бўлиб, ўринлар қуйидагича тақсимланган:
1-эконом класс — 95 ўрин;
2-эконом класс — 95 ўрин;
3-эконом класс — 72 ўрин;
4-эконом класс — 95 ўрин.
Шунингдек, 10 сентябрдан бошлаб Тошкент – Фарғона водийси йўналишида ҳаракатланувчи қатор йўловчи поездларининг қатнов жадвалига тегишли ўзгартиришлар киритилади. Йўловчиларга сафарни режалаштиришда янги ҳаракат жадвалини инобатга олиш тавсия этилади.
Муҳайё Тошқораева, ЎзА
