Шахмат 7 ёшли Муҳаммадюсуф икки карра Осиё чемпиони!

Россия Федерациясининг Тула вилоятида шахмат бўйича 7 ёшдан 17 ёшгача бўлган ўғил ва қиз болалар ўртасида ўтказилган 20-Осиё чемпионати якунланди.

12 та давлатнинг 270 нафардан зиёд маҳоратли шахматчи ёшлари қатнашган қитъа биринчилигида 7 ёшли шахматчимиз Муҳаммадюсуф Баҳромов ўз истеъдодини намойиш этди.

7 ёшгача бўлган ўғил болалар ўртасидаги классик шахмат баҳсларида 8/9 очко билан Осиё чемпионлигига эришган Муҳаммадюсуф қитъа биринчилигининг блиц баҳсларида ҳам тенгсиз эканлигини амалда исботларди.

Муросасиз кечган ўйинлар натижасига кўра, Муҳаммадюсуф Баҳромов 7,5 очко жамғарган ҳолда 1-ўринни эгаллади.

Шу тариқа, ёш шахматчимиз 20-Осиё мактаб ўқувчилари чемпионатида классик ва блиц йўналишларида Осиё чемпионига айланди

Т. Рўзиев, ЎзА