Сербия Президенти: Европа катта уруш ёқасида

– Менимча, жиддий уруш бошланиши арафасидамиз, – деди Сербия Президенти Александр Вучич. – Яқинда кимдир Украинада тинчликка эришиш учун ҳаракат қилади, деб ўйлагандим. Афсуски, бундай бўлмади ва яқин орада кутилмайди ҳам. Демак, анча катта уруш ёқасида турибмиз.

У шунингдек, Россия – Украина уруши 2026 йил тугамайди, деб ҳисоблайди.

– Мен уруш бу йил ёки келаси баҳоргача тугайди, деб ўйламайман.

Вучич қўшимча қилишича, Европа Киевга ҳарбий ёрдам кўрсатиш ва Москвага қарши санкция қўллаш орқали Россияга қарши гибрид уруш олиб боряпти:

– Украина қуроллантирилди, РФга қарши санкция қўлланди. Шу билан бирга Киевга молиявий ёрдам кўрсатилди. Агар русларга қарши гибрид уруш бўлмаса, бу нима?

Шунингдек, у Россияни қандай мағлуб этиш мумкинлигини билмаслиги, чунки охир-оқибат РФ ядровий куч экани ва ҳеч бир давлат Москвага шунчаки ҳужум қила олмаслигини қўшимча қилди.

– Урушни тугатиш учун икки томоннинг мағлубияти эмас, балки муросаси керак, – деди Сербия етакчиси. – Украина РФга қарши уруш бошламаган. Шунинг учун жиноятчи ва жабрланувчини адаштирмаслик керак.

С.Раҳимов, ЎзА