Қорақалпоғистонлик спортчи АҚШ университетига ўқишга қабул қилинди
Қорақалпоғистонлик машҳур қиличбоз Наргиза Жақсибаева Америка Қўшма Штатларининг нуфузли олий ўқув юртларидан The Pennsylvania State University университетига ўқишга қабул қилинди.
Ҳамюртимиз қиличбозлик бўйича уч карра Осиё ва икки карра Жаҳон чемпиони ҳисобланади. Спортда юқори натижаларга эришиб, халқаро майдонда юртимиз нуфузини ошириб келаётган Наргиза энди таълим йўналишида ҳам янги босқичга қадам қўймоқда.
Бу ютуқ ёш спортчилар учун катта намуна бўлиб, спорт билан билимни биргаликда олиб боришнинг самарали эканлигини кўрсатади.
Довуд Абибуллаев,
ЎзА мухбири
