PSJ Pau Kubarsini Markinyosga o‘rinbosar sifatida ko‘rmoqda
Joriy yozda Kubarsi Ispaniya terma jamoasi safida jahon chempioni bo‘ldi va turnirning eng yaxshi himoyachisi deb topildi.
Fransiyaning PSJ klubi «Barselona» va Ispaniya terma jamoasi himoyachisi Pau Kubarsini o‘z safiga qo‘shishga qiziqmoqda. Bu haqda Tuttosport xabar berdi.
Manbaga ko‘ra, Parij klubi prezidenti Nosir Al-Xelayfi Kubarsini braziliyalik sardor Markinyosning kelajakdagi o‘rnini bosuvchi futbolchi sifatida ko‘rmoqda. Markinyosning PSJ bilan shartnomasi 2028-yil yozigacha amal qiladi.
Kubarsi yosh bo‘lishiga qaramay, o‘yinni a’lo darajada tushunishi, o‘ziga bo‘lgan ishonchi, himoyadagi aniqligi va hujumlarni himoyadan boshlab berish qobiliyati bilan Yevropaning bir qator top-klublari e’tiborini tortgan.
Joriy yozda Kubarsi Ispaniya terma jamoasi safida jahon chempioni bo‘ldi va turnirning eng yaxshi himoyachisi deb topildi.
Avvalroq insayder Fabritsio Romano «Barselona» va PSJ hujumchi Ferran Torres transferi bo‘yicha 50 million yevroga kelishib olgani haqida xabar bergandi.
