Президент ёшларни катта мақсадлар сари ундади
Президент Шавкат Мирзиёев ёшлар билан учрашув ўтказди.
— Азиз ўғил-қизларим! Мен сизлардаги шижоат, билимга ташналик ва янгиликка интилишни кўриб, доим руҳланаман.
Сиз – азиз фарзандларимдан бир нарсани сўрайман: катта-катта марралар сари олға қадам ташланг, ўқинг, янги билим, янги касб ва замонавий технологияларни эгалланг, қийинчиликдан чўчиманг, меҳнатдан қочманг!
Шуни билингки, ортингизда сизларни катта умидлар билан вояга етказган ота-онангиз бор, сизларга билим ва тарбия берган, касб ўргатган устоз ва мураббийларингиз бор, сизларга ҳамиша таянч ва суянч бўладиган, ишонадиган ва доим қўллаб-қувватлайдиган Президентингиз бор!
Йўлингиз очиқ, ниятингиз улуғ, қаддингиз баланд бўлсин! – деди Президентимиз ёшлар билан мулоқот якунида.
Давлатимиз раҳбари ёшлар билан мулоқот қилиб, уларнинг таклиф ва ташаббусларини тинглади.
ЎзА
