Полина Кудерметова чорак финал йўлланмаси учун ўйнайди
Хитойда аёллар ўртасида ўтаётган теннис бўйича мукофот жамғармаси 1 миллион 206 минг 446 АҚШ долларини ташкил этувчи "Ningbo Open" халқаро турнирида ҳамюртимиз Полина Кудерметова асосий тўрнинг иккинчи даврасига йўл олди.
Аниқроқ айтадиган бўлсак, Полина Кудерметова яккалик беллашувларининг илк даврасида испаниялик Кристина Бушчага қарши кортга чиқди. Макзкур баҳснинг илк сетини тай-брекда ўз фодасига ҳал этган Полина иккинчи сетда 6:2 ҳисобида ғалаба қозони ва нимчорак финал босқичига йўл олди.
Шу тариқа, WTA 500 тоифасига кирувчи «BNB Ningbo Open» халқаро турнирининг чорак финал йўлланмаси учун ўтадиган навбатдаги учрашувда мамлакатимизнинг учинчи рақамли теннисчиси бўлган П.Кудерметованинг қозоғистонлик Елена Рибакина билан рақобатлашади.
Жавоҳир Тошхўжаев, ЎзА
