Плёнка остида экилган пахта — янги усул, юқори самара бермоқда
ФОТОРЕПОРТАЖ
Фарғона вилояти Олтиариқ туманида жорий йилда 5 минг гектар майдонда пахта етиштириш режалаштирилган. Шундан 1 минг 600 гектарда Шинжон-Уйғур тажрибаси асосида экиш ишлари олиб борилмоқда.
Айни кунларда туманда пахта экиш ишлари уюшқоқлик билан амалга оширилмоқда. Жумладан, “Диёр олтин обод” фермер хўжалигида 30 гектар майдонга плёнка остига чигит экилиб, унинг бир текис униб чиқиши таъминланди.
Фермер хўжалиги масъулларининг таъкидлашича, мазкур усул сув ва техника ресурсларидан самарали фойдаланиш, қўл меҳнатини қисқартириш ҳамда харажатларни тежаш имконини беради.
[gallery-28580]
Ҳозирда майдонларда пахта парваришига оид агротехник тадбирларни бошлаш учун тайёргарлик ишлари олиб борилмоқда. Шу билан бирга, хўжаликда 30 гектар майдонда экиб парваришланаётган бошоқли дон экинларининг ривожи ҳам қониқарли.
Муқимжон ҚОДИРОВ (сурат), ЎзА
