Өзбекстан Президенті Корея Республикасындағы отандастармен кездесті
Өзбекстан Республикасының Президенті Шавкат Мирзиёев Корея Республикасына мемлекеттік сапары барысында осы елде еңбек етіп, білім алып жүрген отандастармен кездесті.
Бейресми жағдайда өткен жылы жүздесуде Жаңа Өзбекстандағы реформаларды жүзеге асыруға қатысты мәселелер және отандастардың оларды өмірде белсенді іске асыруға қосып жүрген үлесі талқыланды.
Кездесуге қатысушылар Өзбекстан мен Корея Республикасы арасындағы экономика, ғылым және білім салаларындағы байланыстарды кеңейтуге бағытталған бірқатар озық ұсыныстарын ортаға салды.
Ұлттық экономиканың маңызды салалары мен мемлекеттік басқару жүйесіне жасанды интеллект пен Кореяның цифрлық технологияларын енгізу, медицина, көлік, кеден және туризм салаларында инновациялық шешімдерді ілгерілету, ұлттық төлем жүйелері мен ақша аударымдары платформаларын жедел дамыту, сондай-ақ ақпараттық технологиялар саласына мамандар даярлау мәселелеріне ерекше назар аударылды.
Сонымен қатар мәдени-гуманитарлық байланыстарды тереңдетуге қатысты нақты ұсыныстар айтылды. Атап айтқанда, Корея Республикасындағы Өзбекстанның мәдени орталықтары желісін кеңейту, өзбек тілін үйрену бағдарламаларын дамыту, екі елде түрлі мәдени іс-шаралар өткізу және өзбек классикалық әдебиетінің үлгілерін корей тіліне аудару мәселелеріне ерекше көңіл бөлінді.
Мемлекет басшысы елдің әлеуметтік-экономикалық дамуына қосып отырған елеулі үлесі үшін отандастарға алғыс білдіріп, олардың әрбір бастамасы егжей-тегжейлі зерделенетінін, ең маңызды жобаларға жан-жақты практикалық қолдау көрсетілетінін атап өтті.
Өзбекстан басшысы кездесуге қатысқан профессорларға, кәсіпкерлерге, белсенділер мен студенттерге оқуында және кәсіби қызметінде табыс тіледі. Еліміз олармен диалогқа әрдайым ашық екенін және отандастардың жасампаздық әлеуетін жүзеге асыруы үшін барлық қажетті жағдайды жасауға дайын екенін ерекше атап өтті.
Өз кезегінде, кездесу қатысушылары Президентімізге жастарға көрсетіліп отырған жоғары деңгейдегі көңіл бөлуі және олардың арман-мақсаттарын жүзеге асыруы үшін жасалып жатқан жаңа мүмкіндіктер үшін шынайы ризашылығын білдіріп, өз білімдері мен күш-жігерін Отанның әл-ауқаты мен өркендеуі жолында жұмсауға әрдайым дайын екендерін айтты.
