Ўзбекистонлик аралаш жанг санъати устаси Японияда муваффақиятга эришди
Кеча Япониянинг Саитама шаҳрида ММА бўйича ўтказилган йилнинг энг сўнгги халқаро турнирида ўзбекистонлик спортчи ғалабага эришди.
Турнирнинг co-main event жангида иштирок этган ҳамюртимиз Илҳом Назимов бразилиялик Роберто Сатоши де Соузани енгди.
Маҳоратли аралаш жанг санъати устаси Назимов жангнинг 13-сониясидаёқ тизза зарбаси билан рақибини чуқур нокаутга учратди ва енгил вазн тоифасида чемпионликни қўлга киритди.
Оқшомнинг асосий жангида қирғизистонлик Ражабали Шайдуллаев ярим енгил вазн тоифасида япониялик MMA юлдузи Микуру Асакурага ҳеч қандай имконият қолдирмаган ҳолда чемпионлик камарини ўзида сақлаб қолди.
Кечанинг учинчи жангида япониялик Хиромаса Огикубо энг енгил вазн тоифасида вакант бўлган чемпионлик камарига эга чиқди. У уч раунд якунига кўра, ҳамюрти Юки Мотойянида устунликка эришди.
Тўлқин Рўзиев, ЎзА
