Оролбўйи туризми ривожига ҳисса қўшаётган тадбиркор
ФОТОРЕПОРТАЖ
Оролбўйининг туристик салоҳиятини кенг тарғиб этиш, маҳаллий ва хорижий сайёҳлар учун замонавий хизматларни йўлга қўйишда хусусий тадбиркорлар фаол иштирок этмоқда. Ана шундай ташаббускорлардан бири – “Muinak Tour” масъулияти чекланган жамияти раҳбари Амина Бекжонова.
Компания 2017 йилдан буён Мўйноқ тумани, Орол денгизининг қуриган туби, Устюрт платоси ҳамда Қорақалпоғистоннинг тарихий ва табиий диққатга сазовор масканларига саёҳатлар ташкил этиб келмоқда. Туристларга транспорт, гидлик, жойлаштириш ва экскурсия хизматлари кўрсатилмоқда.
[gallery-30461]
Амина Бекжонова туризм билан бирга этнотуризм ва ҳунармандчиликни ривожлантиришга ҳам алоҳида эътибор қаратмоқда. Хусусан, 2023 йилда Нукус шаҳридаги “Ашши кўл” соҳилида ҳунармандчилик этнотуристик дам олиш мажмуаси ташкил этилди.
Тадбиркорнинг меҳнати давлат томонидан муносиб эътироф этилган. У турли йилларда “Туризм фидойиси” ва “Фаол тадбиркор” кўкрак нишонлари, шунингдек, “Дўстлик” ордени билан тақдирланган.
Айни пайтда туристик хизматлар кўламини кенгайтириш, янги меҳмон уйларини ташкил этиш ҳамда Оролбўйига ташриф буюрувчи сайёҳлар сонини оширишга қаратилган янги лойиҳалар амалга оширилмоқда.
Мақсад ҲАБИБУЛЛАЕВ(сурат),ЎзА
