Онлайн рўйхатдан ўтиш якунланишига 4 кун қолди
2026/2027 ўқув йили учун давлат олий ва касбий таълим ташкилотларига қабул жараёни доирасида абитуриентларни онлайн рўйхатдан ўтказиш давом этмоқда.
2026 йил 22 июнь куни соат 08:08 ҳолатига кўра, республика бўйича жами 486 минг 682 нафар абитуриент онлайн рўйхатдан ўтган.
Маълумот ўрнида айтиш лозимки, абитуриентларни онлайн рўйхатдан ўтказиш Ўзбекистон Республикаси Ягона интерактив давлат хизматлари портали ҳамда қабул платформаси орқали амалга оширилмоқда.
Онлайн рўйхатдан ўтишнинг биринчи босқичи 25 июнга қадар (шу куни ҳам) давом этади. Шу муносабат билан ҳужжат топширишни кейинга қолдирмаслик ва белгиланган муддатларда рўйхатдан ўтиш тавсия этилади.
Абитуриентлар учун онлайн рўйхатдан ўтиш тартиби бўйича махсус видеойўриқнома ҳам тақдим этилган бўлиб, унда ҳужжат топшириш жараёни босқичма-босқич тушунтирилган.
Муҳайё Тошқораева, ЎзА
