Нетаньяҳу Трамп режасини рад этди (+видео)
Исроил бош вазири Биньямин Нетаньяҳу АҚШ президенти Дональд Трампнинг Ғазо бўйича 15 банддан иборат режасини рад этиб, ҲАМАС қуролсизлантирилмагунча Исроил қўшинлари Ғазодан олиб чиқилмаслигини билдирди, деб хабар берди ВВС нашри
Нетаньяҳунинг қўшимча қилишича, Исроил қуролли кучлари ҲАМАС ҳақиқий равишда қуролсизлантирилмагунча қўшинларни олиб чиқмайди ва фуқароларимизга нисбатан таҳдидларни бартараф этишда давом этади.
Трампнинг «Тинчлик кенгаши» июль ойида Ғазодаги ҲАМАС ва бошқа қуролли гуруҳларни «тўлиқ қуролсизлантириш» бўйича келишувга эришилганини маълум қилган эди.
Бироқ ҲАМАС оғир қуролларни топшириш Исроилнинг ўз қўшинларини Ғазодан олиб чиқишига боғлиқлигини билдирди. Бироқ Нетаньяҳу Исроил Ғазодан қўшинларини олиб чиқишидан олдин ҲАМАС қуролсизланиши кераклигини таъкидлади. У кейинги қадамлар бўйича ҳозирда АҚШ расмийлари билан музокаралар олиб бораётганини маълум қилди.
Аммо, Исроил ўтган йил октябрь ойида Ғазо ҳудудида ўт очишни тўхтатиш келишуви тузилганидан бери ҳудудга зарбалар беришда давом этмоқда.
Трампнинг таклиф қилаётган режасини қабул қилиб бўлмайдиган деб атаган миллий хавфсизлик вазири Итамар Бен-Гвир Ғазо бўйича режадан воз кечишга чақирмоқда.
Бу ўтган йил сентябрь ойида эълон қилинган Трампнинг тинчлик режасига яна бир зарба бўлди.Чунки унда ҲАМАСни қуролсизлантириш, Исроил қўшинларини олиб чиқиш ва Ғазони қайта тиклаш кўзда тутилган эди.
<iframe width="458" height="815" src="https://www.youtube.com/embed/Q4_lFbT3Ntw" title="Netanyahu Tramp rejasini rad etdi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>
Кенжа Бекжонов, Анвархўжа Аҳмедов, ЎзА
