NASA “Artemida-3” экипажини маълум қилди

АҚШнинг NASA космик агентлиги “Artemida-3” Ой миссиясида иштирок этадиган тўрт нафар астронавт номини эълон қилди.

Маълум қилинишича, экипаж таркибидан америкалик астронавтлар Андре Дуглас, Фрэнк Рубио ва Рэнди Бресник, шунингдек, италиялик астронавт Лука Пармитано ўрин олган. Экипаж аъзолари Хьюстон шаҳридаги Жонсон космик марказида таништирилди.

Дастлаб “Artemida-3” миссияси доирасида инсонни Ойга қўндириш режалаштирилган эди. Бироқ жорий йил февраль ойида NASA режага ўзгартириш киритиб, экипаж Ойга қўнмаслигини маълум қилди.

Энди астронавтлар Ернинг қуйи орбитасида “SpaceX” ва “Blue Origin” компаниялари ишлаб чиққан Ой қўниш модули билан туташиш жараённини синовдан ўтказади. Миссия парвози 2027 йилга мўлжалланган. Инсоннинг табиий йўлдошга навбатдаги қўниши эса 2028 йилга қолдирилган.

Д.Ҳакимов, ЎзА